ديوان أكاليل الإلكتروني لسفراء القلم

...............

احمد سليم

..............................

دور الغريب
.........
ما اعرفتش اعمل دور الغريب
لما شفتك جنب منى
ما اعرفتش ابقى منك قريب
واعمل انى عنك غريب
غصب عنى قلبى سابنى
لما حس انك قريب
دموع عنيا خانت جفونى
لقيتها نازله تجرح خدودى
قلت ادارى جرحى واهاتى
واخبى ضحكه رجعت تلالى
لقيت دموعى بيسبقونى
لكفوف اديك
وحزن ضحكه شاورت عليك
قلت ابعد من مكانى
واعمل غريب
ضل الطريق
لقيتنى بهرب منى ليك
ولقيت اديا بتمسك اديك
وبنظره حلوه من عنيك
لقيت طريقى هو الطريق
واخدنى ليك
بدون ما احس
بدون ما افكر
قلت فى هواك انا دبت اكتر
مع انى عارف
انى راجع تانى غريب
بس يا خساره
ما اعرفتش اتقن دور الغريب