ديوان أكاليل الإلكتروني لسفراء القلم

لجوهري عبدالله

/حالة..حب\

فى ليالى الشوق
وانا وحدى هنا
وانت هناك
فكرى معاك
بتونّس بحاجاتك
اللى نسيتها معايا
وحاجاتى..
اللى بتحمل ذكراك
ولا لحظه..بقدر انساك
ومنايا لقاك..بهواك
لنهاية العمر..وهستناك

حبك عندى
احساس الجندى
العائد م الحرب
لحضن الخلان
ااقوى من ثورة بركان
اطول من كل الانهار
اعلى من منزلة النخل
واطيب من طرح الاشجار
حبك عندى حياة
والبعد انتحار
فى قربك اكتمل البدر
واشرقت الانوار

بحبك بعدد ايام الدنيا
وأحسب لغيابك
بالثانيه..مش بالساعات
بحبك فى كل الحكايات
بحبك نغمات..كلمات
بكل اللغات
بحبك بعمق الارض
وعرض السماوات
بحبك لو كنت اللولى
فى الصدفات
انا الغواص
فى قاع المحيطات
بحبك فعل
مش مجازات

جوهريات