ديوان أكاليل الإلكتروني لسفراء القلم

بقلم 

أحمد طلبه

أنا مش هو
وبتحمل وبسكت ليه
عشان بالفعل حبيتك

وراضي باللي راح تقوليه
عشان أنا عمري ما أذيتك

وإيه اللي جبرني اعيش
لاحول ليا ولاقوه
عشان انتي مابتحسيش
وانا بالفعل مش هو

أنا غير اللي يوم خسرك
وجرح فيكي ولا حسك
كفايا حرام بقي كسرك
بيكسر روحي من جوه

عشان انتي مابتحسيش
وانا بالفعل مش هو
====••====••===
وهعمل إيه
حاولت كتير أنسيكي
واخليكي
تعيشي وتنسي أيامه

أتاري حبه في عينيكي
بحسك وانتي قدامه

بحسك وانتي مش حاسه
ياعايشه في بحر أوهامه

و قلبك مش ناسيه لسه
وفاكره حتي أحضانه

واخرتها تخليني
أقول إني مش هو

وإيه اللي جبرني أعيش
لاحول ليا ولا قوه

عشان انتي مابتحسيش
وانا بالفعل مش هو
====••====••===
دا مش عيبك
لكن عيبي
بحبك وانتي مش ليا

وسابك وانتي
بتسيبي
قلبي وتظلمي فيا

ولا شايفه اللي شاريكي
بتيجي كتير
كدا عليا

مادام حبه أكيد فيكي
انا هبعد واعيش ليا

عشان اللي بعنيكي
مشاعر تبقي له هو

وإيه اللي جبرني أعيش
لاحول ليا ولا قوه

عشان انتي مابتحسيش
وانا بالفعل مش هو
===============