................
يوسف الدباك جعجع/ لبنان٠٠٠
....................
أهدي هذه القصيدة الى أصدقائي وقرأئي في لبنان والوطن العربي والعالم، وهي باللهجة العامية اللبنانية:
أنا يا صحاب انتو بتعرفوني
لصحابي بقدم الببو بعيوني
انتو ركزتي وانتو الزوايا
العليها قام بيتي صدقوني
انتو مهجتي وانتو الروايا
وقلب اللي عم بيرشح ليوني
انتو كفوف ايدين السخايا
العطت ايتامنا عالعمر موني
تا صاح القلب يا نعم العطايا
ويا نعم كفوف لمستها حنوني
انا الما فرقت من بين البرايا
خيي المسلم وخي الماروني
كتاب الذكر آياتو التقايا
حفظتن منل توراة المعوني
لأنو بتؤمن فكاري الذكايا
باللي قلها للأرض كوني
لهالأسباب يا صحابي المرايا
البيكبر الحجم قدرو يكبروني
لأنو بتؤمن فكاري الذكايا
باللي قلها للأرض كوني
ولأني بآمن بلوح الوصايا
الوصى بالمحبة عباد الله
رح ضل حبكم يا تقبروني
د٠ يوسف الدباك جعجع/ لبنان٠٠٠
التقطت لي هذه الصورة في بلدتي برقا في العاشر من الجاري٠٠٠
ليست هناك تعليقات:
إرسال تعليق