...................
نبيل الوردانى
.................
كل عام
كل سنه وانتم
دايما طيبين
مانتو دايما طيبين
شعب طيب قال بطبعه
شعب أطرش مش ف سمعه
شعب ضايع من سنين
جوه قلبه تلقى دمعه
نهر باين ف العنين
وما يشقى يشقى غلب
اصل غلبه مش بحب
لو تشوفه تقول دا مين
والحنان جواه بيطرح
طرحه باين من سنين
هو كتمه بس شوق
اصل حزنه له حقوق
والحقوق واكلها مين
اللى واكل كل حاجه
واللى ناسى ميعاد عزائه
بس قوللى هو فين
مش ح تاخد منه رد
مش بهزر لأ بجد
أصل هو إبن كلب
بس أعرف كلب مين
هو هبهب وللا عض
وللا قولك مش لابد
قول سؤالك ياأمين
بس قولوا بكل ود
لما أهلك مطحونين
ليه تلخبط ف العجين
هو حيلك لسه فيه
وللا شطب من سنين
نفسي مره بجد اقوله
لو ح تعرف أين ظله
إبقى إسأل هو مين..
نبيل الوردانى
ليست هناك تعليقات:
إرسال تعليق