..................
رمضان عبدالله أحمد
...................
هِل يا عيد
.......................
هِل ياعيد حسب المواعيد ..
املا قلوبنا بسرورك
هني الصايم بصيامه.......
وكافئه بجايزة من نورك
زيد افراح المسلمين
واستقبل كل الصايمين
لكلام ربك كانوا تاليين
وفرحوا ياعيدنا بحضورك
...............
املأ كل الكون افراح ....
اسعدنا واسعد اولادنا
عايزين ننسى أي جراح ..
والبهجة تيجي ف أعيادنا
اجمعنا ويا حبابينا
اسعد قلب اللي حاببنا
خلينا احنا وقرايبنا
وابعد عنا عيون حسادنا
...............
اجعل صوت التكبيرات
يجلجل في كل مكان
صوتنا يعلا بالصلوات
يبعد عنا اي شيطان
نهني نفسنا في العيد
نسمع ف قلوبنا الزغاريد
الأفراح جوانا تزيد
للأهل وكل الخلان
*******
بقلم الشاعر /رمضان عبدالله أحمد
ليست هناك تعليقات:
إرسال تعليق