...........
؛ نذير دهان
...............
يللي ناوي ع الزيجه
دوس فرينك
رايح اقلك نصيحه
بيني وبينك
الزيجه أول أياما
عسل بشهدو
وبعدا بتغسل الطعمه
دمعة عينك
******************
جنابا حبلت وأشتغل
عندا الوحيم
بدي وبدي وانت
بتعيش بضيم
مالك إلا تقللا
بأمرك يافطيم
تبيع تيابك وعفشاتك
وتركب دينك
*******************
وفطيم أسم الله ع مقاما
بتحب تتدلل
شويه شويه لعواطفك
تصير تتسلل
وبجي المحروس ياعمي
الحال أتبهدل
ياويل ويلك ع السهره
لاتسن سنينك
*******************
وكل يوم عن يوم يازلمه
قيمتك بتخف
وتصير هريسه وعليها
الدبين يعف
أحلامك طارت وانت
على جنب تصف
ويصير للببو يافحلو
هز حضينك
******************
******************
شعر ؛ نذير دهان
ليست هناك تعليقات:
إرسال تعليق