ديوان أكاليل الإلكتروني لسفراء القلم

 ...................

مصطفي العموري

................

تعالوا نلعب شويه .. لعبه شقيه وبالعاميه

الغميضه ..

.. رؤيه .. مصطفي العموري

يلا بسرعه كلوا يجمع

يلا بسرعه من غير م انده

كل اصحابي وكل احبابي

وكل قرايبي وكل معارفي وكل جيراني

كل اللي عرفته ف حياتي

ولو حتي ثواني .....

.. عايزين نلعب ...!!!

ايه ياعم !! بتقول ايه ؟؟؟؟

نلعب ايه .. ؟؟ !! ههههههههههه .

نلعب ايه ده احنا كبرنا

مرضنا تعبنا .

الخطوه الساهله هي اخرنا

واللي بيلعب دلوقت عيالنا

يلا يا عم سيبنا ف حالنا

.......

.. والله هغير ف قواعد اللعبه

اعتبروها اخر مره واخر امنيه

واخر خدمه منكم ليه

اسمها غميضه اسمها عسكر او حراميه

اكيد عارفينها والمشكله مش اسمها هي

راح اعرفكو ا ايه النيه .....

انا عايز بس كل حبايبي

عايز كل اللي اختارهم .. قلبي !!!!!

يفقوا معايا ويكونوا جنبي

يبقوا فريقي .. و انا راح اجري

وهم معايه ف ايدي وجنبي وكمان ورا مني

كلوا يجري كلوا يداري كلوا يخبي

انتوا حمايتي وانتوا سندي ..

..... اما الباقي ده فريق تاني

هنقولوا استني وبعد شويه اجري وحصلنا

وبيني وبينكم هنسيبوا يعدي .. ؟؟

ونرتاح منهم ويرتاح قلبي

جيت ليكوا دوغري ...... يلا ياعمي

انا راح اخلع م اللي قاهرني واللي كايدني

و اللي تملي كابس ع نفسي

م انت قارفني معاك وتاعبني

ولازق فيه م تبعد عني ياخويا فارقني

ده بعدك رحمه .. وقربك مني تقيل ع قلبي وناره بتكوي

اخلع انا ولا اانت تسيبني ؟؟؟

رد جاوبني وقول يا تعبني

بلا اشجيني م انت ساجني ايوه حابسني ..

هسيبك واجري ويا حبايبي ياربت ترحمني ..

يلا نسيبهم

وانتوا هاخدكوا لعالم تاني

عالم مبقاش فيه وحداني

وانتوا معايا وهو ده غرضي ..

...

اما اللي محبش اشوفه ولا اطيق صوته

وبحب سكوته

ولا جرحني

ولا اذاني ولا اناني

وليل ونهار ياكل ف وداني

عمره م هيشوف وشي ده تاني ...

..

نسيبلوا الدنيا

ونروح دنيا مليا كياني

دنيا رسمها ويا خيالي

مفيهاش غيركوا انتو معايا .. وهو ده حلمي !!!

ووعد مني لكل الباقي

مهما هيجري

مش هيحصلني ولا يمسكني

وان شاف تاني وشي

ابقي قابلني

..

او ادي دقني

..

مين جاي

عايز العب

مره من نفسي

يلا بسرعه وعلشان خاطري !

.. عايز كم عايز الكل يلا يلبي ..

حد هيلعب ولا افلسع انا و لوحدي او مع نفسي !!!!

ولا اسيبكوا و اكمل نومي واقابلكوا ف حلمي ؟؟؟