..................
نذير دهان
..................
ياحلب ياشهباياام الفن
الله بلطفو يحميكي
قلبي ياحلوه اشتاق وحن
روحي ياروحي تحييكي
بعيد عن بلدي قالوا جن
لما صرت امدح فيكي
قلت الشهبا صيطا رن
يادنيا بكل روابيكي
*************************
كان المطرب لما يقول
الكل يتابع شو يغني
جمهور نغمه حكمو ع طول
عادل ماهو متجني
يااما يقول يصول ويجول
يااما يسكت هالجني
قبل ماالدهر يبرم ويحول
هادا الكان بماضيكي
*************************
وبرم الدولاب قرب شوف
هللي صار بمغنانا
هرج ومرج ونقر دفوف
اصواتا بتوصل لسمانا
السبع الكاسر انبدل خاروف
يمععي حتى خلانا
نصرخ بالله اعملوا معروف
يا كلمه بدي احكيكي
*************************
مطرب افندي اسمع معليش
ع اساس جايه تطربنا
عمال بتزعق قللي ليش
تصرخ ورايح تضربنا
حرام عليك المغنى مو طيش
شو عملنا حتى تطرشنا
هدي علينا شوي بشويش
ياادني الله يشفيكي
*************************
حرام يا عالم ظلمتوا الفن
هدوا شويه دخيل الله
شو بيظهر مطربنا جن
والاصابو لطف الله
من يوم ماحربو عليي شن
ادعي عليه واشكيه للله
من ساعتها المي ماكن
يانغمه ربي يحميكي
*************************
*************************
شعر؛ نذير دهان
ليست هناك تعليقات:
إرسال تعليق