................
نذير دهان
...............
صاحبنادرس واخد شهادات
براويظا عبت حيطانو
برم ع وظيفه لكن هيهات
بكل دايره سجل عنوانو
ايمتى ارجع؟ الشهر الفات
موظفنا وكشر عن سنانو
دخيلك لاتمزح قال سلامات
بكم كلمه هزلو كيانو
***********************
شكالي بكيلي وقللي اوجاع
سكنت بجسمي وبركبي
وحلفلي يمين بانو جاع
من جوعي ع ضهري طلع قتبي
قلتلوياعمي افهمني اسماع
عجبي على عقلك اكيد عجبي
الموظف أفندي لوتقللو أبلاع
بالحال امضيلي على طلبي
يبصملك ويمضي اكيد طماع
الطمع بروحو وبكيانو
**********************
لو بدك تمشي قوام أرشي
هالحكمه صارت هيه الحل
العمله يا عمي تحل كلشي
ضمير اوذمه عنا ماضل
ت تبقبق طنجرة المحشي
عند موظفنا لازم تنعل
الرشوه ياعمي على المفشي
ادفعلو تهيجلو حنانو
**********************
لكن مابتخلا هالدنيا
من أهل الذمة البقيواشامات
عارفينها لابد انها فانيه
ويخافوا لوحرام لجيوبن فات
يقولوا الدنيا أكبر غانيه
غروره اوعى بعبا تبات
نفسك حاسبها بكل ثانيه
بالآخرة مايرضوا ينهانوا
صارعمرو ستين مضواطلبو
فرح وغنى ياعيني ياليل
جاب جل ومردغ بشنبو
قال يللاضروري أشد الحيل
وصل لوظيفتوكانوا شطبوا
اسمو قالولو اوراقك احميل
جرى دمعوع خدو والعطبو
قالوا ختير الوظيفه مومكانو
*************************
*************************
شعر ؛ نذير دهان
ليست هناك تعليقات:
إرسال تعليق