................
وحيد محروس خليل
...............
(( واللهِ عيبة ))
واللهِ عيبة وإنتي الحبيبة
بمشاعري دايماً بتلعبي
دا أنا بحبك وشاغلتي حبك
طب ليه من حبي بتهربي
$$$$$$$$$$
إنتي خايفة من الدنيا
ولا خايفة من البشر
أصل الهوى مكتوب علينا
والحب أقوى من القدر
$$$$$$$$$$
هاتي إيدك حسي بيا
وأحضني الأيام معايا
حبك في قلبي ومكتوب عليا
لو تسمعي بقلبك غنايا
$$$$$$$$$$
شوفي الدنيا بعيون العاشقين
ومعايا عيشي بنفس الإحساس
حرام نعيش في دنيا المجروحين
أنا كل منايا أشوف ف عينيك نظرة إخلاص
$$$$$$$$$$
إحنا إللي بنرسم حياتنا وبنحليها
وبنخلي أيامنا كلها فرح وسعادة
والعاقل إللي يعيشها ولا يبكي يوم عليها
وياخد حقه منها وكمان بزيادة
$$$$$$$$$$
إفتحي قلبك وحبي كمان وعيشي
وإزرعي جواه جناين فرح وأغاني
أصل الحياة من غير الحب متساويشي
وإنتي معايا عمرك ماهتشوفي الجرح ولو ثواني
$$$$$$$$$$
هاتي قلبك جوا قلبي وأحضنيني
أكيد ياحبيبتي هيحسدوني الناس عليكي
وإرسمي فرحة زمانك جوا عيني
نفسي أعيش العمر جنبك وأحضن إيديكي
$$$$$$$$$$$
واللهِ عيبة
بقلمي/ الشاعر وحيد محروس خليل
ليست هناك تعليقات:
إرسال تعليق