..................
الادريسي محمد
.................
السلام عليكم اصدقائي عساكم بالف خير.... .... على ݣمرة......
.......لَوْ كانْ يّصُومْ اللّيلْ
.......تّجْبَرْنِي صَابٓرْ
........عَلىَ ݣَمْرَة نَفْطَرْ مْعَاهْ
.......كْثِيرْ كَانْ وَلاّ قْلِيلْ
.......فُوقْ لَجْمَر ، الٓخَاطَرْ
........طَايّبْ، لّݣَلْبْ مَكْوَاهْ
مشاعل ݣادية فسماهْ
.......لَوْ الٓمَرْوَدْ طّوِيلْ
...... نّكَحَّــلْ بظْلَامَهْ
.........كُل عِينْ بَاكْيَة فّهْوٓاهْ
......... طَايَرْ عَ لْخُدُودْ يّسِيلْ
.............الدّمـْع يتْـقَـاطَرْ
...........فـ قَـرْبُو مَلْقٓاشْ هْنَاهْ
............مصاب تزورني غ مرة
............ترميني مشاهب لقدار
...........ترميني بزين النظرة
..........لفوق على حدود النار
...........انا وقلبي شايف غدرة
.........لٌلوْزيعة ما جايب خبار
..........لخناجر ف يديك عشرة
.........وف يدي الورد راه كْبَارْ
..........لو نصنع جناح من هَظْرَة
.......... نهز على كتافي لطنان
...........سعى لكلام يا حسرة
............ريشة فعبار الميزان
............ولي عاش حياتو قهرة
..........السكات وَلَدْ لُو لحزان
..........عود خرج من شجرة
..........بات ف جناح اللِيلْ سهران
25 03 2022
الادريسي محمد
ليست هناك تعليقات:
إرسال تعليق