ديوان أكاليل الإلكتروني لسفراء القلم

............

مين إللى قال
من ديوان / ولسه بحلم بفجر
للشاعر / مصطفى فريد

...........

مين إللى قال ياخلق مين
إبنى يعيش من غير وطن
ويدور شريد من إيد لإيد
ويكون لفرقتنا التمن

مين إللى قال

الأرض تقتل نبتها
وتثور على محتلها
وتخطى فوق صوت البارود
رغم القساوة فى جرحها
واحنا نموت جوه السكوت
والبوم يعشش ع الييوت
وسنين حزينه إزاى تفوت
على أم مسروق حلمها

مين إللى قال

وليد يادوب عمره سنه
سبحة دموعه تنفرط
ع الخد تحفر ميت قنا
فوق الشراقى اتبعترت
طرحت سنابل من أسى
لا أم تمسح دمعته
ولا أب يسقيه الهنا
وان مات يموت
من غير كفن

مين إللى قال