ديوان أكاليل الإلكتروني لسفراء القلم

............

الجوهري عبدالله

/موال\

..............

ياليل..ياعين

عينى عليك ياجدع
ياللى عليك العين
استصغروا عليك الوجع
ذادوا الوجع..وجعين

سألت..ناس عارفين
قالوا..جرح العزول
يخف بعد يومين
قلت..وجرح الحبيب
اجيبله عمر منين
العشره ياناس ماتهونشى
الا على الخاينين

سألت الطبيب المداوى
قاللى..سنين بداوى
كل الجروح والبلاوى
ماشفت ذيّك غاوى
لسه له قلب وعين
يبكوا على الاطلال
ويشتروا البايعين

ياليل..ياعين

جوهريات