..................
بلال هشهش بيلا مصر
....................
((( روحت يا عم عيد )))
خلاص روحت ياعم عيد
واخدت معاك محبتك
خلاص روحت ياعم عيد
عارفك يا عيد نسيت تسيب لحمتك
تصدق لسه فاكرها وهي في الشُربة
وهي محمرة لونها فيه من بهجتك
كل الذكريات دي لسه فاكرها
كل سنة كلنا ننتظر دخلتك
واضح إنك السنة دي نسيتنا ياعيد
من كتر الفقرا والحال اللي لا يسر
قضيتها معانا أيام بس ليه سفرت سعيد
فين اللمة وضحكة العيال فين فرحتك
فين أغنية هلت ليالي الريحة فيها مشوية
هلت ليالي صواني رايحة وصواني جاية
كدا بردوا هنفضل مشتاقينلك يا عم عيد
هنفضل نعتب و نعيد ونزيد والزيارة الجاية
تجيب معاك عمو سعيد
مش هنمل منك عمرنا يا عم عيد
وهنفضل نطلب منك أَماني وإيمان وطاعة
ما أنت دم ماشي في الوريد
عمرنا ما ننساك ولا ننسى يوم عرفة
حتي لو ضغطوا علينا وكبلونا بالحديد
حتى لو الظروف كانت أقوى من طاقتنا
مشتاقنلك والله بجد ياعم عيد
وانت جاي المرة اللي جاية هات معاك الجديد
حتة ضاني او لحمة حمرا تنسينا الطعمية المُرة
وبلاش عضم شُربته بتجيب أجل الشهيد
بقلم الضاحك الباكي بلال هشهش بيلا مصر
نهاية عيد الاضحي المبارك
الاربعاء
ليست هناك تعليقات:
إرسال تعليق