....................
رمضان عبدالله أحمد
..............
بينا مش داريين
********
شوف الماتش النهاردة
وخد الموضوع بهزار
أنت مش م الفراوده
شغل بقى الافكار
دول يابني ناس عايشين
وبينا مش داريين
وبيسهروا بملايين
واحنا بنتعشى خيار
_______
اهدى شويه على نفسك
وبلاش تيجي عليها
حاول تخلص من يأسك
حل لروحك مآسيها
قاعد لنا ليه على نار
كفايه بقى استهتار
دول بيأكلوا الكافيار
افهم بقى معانيها
________
ياريت تحسبها تمام
وتصحى معانا شويه
وتبص بقى لقدام
بنظرة تكون عفية
وتسيبك م المهالك
م الاهلي والزمالك
وتشوفه ماتش عادي
وانت قاعد ع الهادي
دول عالم مفترية
"""""""""
بقلم الشاعر /رمضان عبدالله أحمد
ليست هناك تعليقات:
إرسال تعليق