....................
مصطفى عماري
..............
الغربة
خليتني نبكي ونزيد
أيامي ما بقى ليها عيد
الله يصبر الغريب
واللي ع أحبابه بعيد
الأيام رايحة رايحة
والهم يمشي ويزيد
الله يصبرك يا غريب
ترجع تشوف أحبابك
بعد ما طال عذابك
سنين تعدت كرمش العين
والسنين طال بيها غيابك
العمر يمشي ويزيد
الدهر قاسي صعيب
لازم الشمس تشرق
بعد ما القمر يغيب
الدنيا
دنيا يا دنيا
والدنيا دوارة
خسارة كالدنيا تغيب
وقتها تميز بين القريب والبعيد
الخو للخو رحمة
والصاحب للقلب حبيب
عودة ميمونة
فيها نبكي ع قبر المرحومة
من يوم راحت زين الزين
حياتي باتت مهمومة
مهمومة يا دنيا مهمومة
على أشكون اليوم تدير اللومة
القلب مجروح والروح معلمة ومعلومة
على أشكون اليوم تدير اللومة
يا غربة وما درتي فينا
تهدت الصحة وما خليتي شيء لينا
لو كان نرجع ونشوف أحبابي
ننساو الدنيا اللي لعبت بينا
فسخ وأرجع للسطر
هيك وإلا هيك
العمر لازم يتعدى ويمر
حلو مر لازم يمر.
الشاعر د. مصطفى عماري
ليست هناك تعليقات:
إرسال تعليق