ديوان أكاليل الإلكتروني لسفراء القلم

 ..................

ايمن شتا

..............

#روحتي_وسبتيني

#كلمات_ايمن_شتا

وفاكرة البعد موتني..

وبرجوعك هتحيني..

وان حياتي رفضتني..

عشان روحتي وسبتيني..

انا بعدك اكيد عايش..

ومش فارق بقى وجودك..

بقيتي صفر ع الهامش..

عشان خطيتي لحدودك..

لا عمري بكيت ولا اتالمت

ولا حسيت بشيء ناقص

لكن من غلطي بتعلم

ولو ع الحب ف بناقص

لسة بعيش وبتنفس

وبشرب قهوتي زيادة

وبصحي بدري زي زمان

وبتمشي كما العادة

لا شايف حاجة نقصاني

ولا بعدك مموتني

ولا الدنيا بتنساني

ولا ايامي رفضتني

وفاكرة البعد موتني

وبرجوعك هتحيني

انا بالعكس بقت رايق

عشان روحتي وسبتيني

...

ايمن شتا