.................
أسامه عبد القادر أحمد
...................
التوهان
دنيا ماشيه بالمقلوب
لابتصون عزيز
ولاتراعي مغلوب
والضعيف فيها متهان
واللي عنده حق
تلاقيه متلام
والناس بتيجي ع.الغلبان
وتقوله مالك ومال فلان ؟
انت غلطان وتستحق كمان
هوه انت أده أو ليك عنوان ؟
ابعد عنه وانس اللي كان
واللي أخده منك
أو لو كان حتى ضربك
متضربوش واجري أوام
وربنا يسامحك إنت اللي غلطان
أما القوي فيشبع طبطبه
ومحايله ومسح على الكتفان
لاسترضاؤه واستعطافه
وإنه ميحملش هم فلان
ياسلام سلم على الأفهام
ياسلام سلم على النقصان
لما القوي ديما ف.الصح
والعيبه منه ديما صح
شوفتم ياناس زي كده توهان ...
أسامه عبد القادر أحمد
ليست هناك تعليقات:
إرسال تعليق