..............
محمد البراقي
..................
"مَدَا بِنَا "
مَدَا بِنَا
كُونْ التَّاوِينَا
كُونْ وَلِّينَا لَابَاسْ
مَدَا بِنَا
كُونْ نْسِينَا الْمَاضِي
وَتْخَاوِينَا
رَاهْ فَاضْ الْكَاسْ!
مَدَا بِنَا
كُونْ التَّاوِينَا
وَبْنِينَا الثِّقَة مَنْ السَّاسْ
الْإِسْتِعْمَارْ دَارْ فِينَا ارْوِينَة
يَا النَّايْمِينْ فِيقُو مَنْ النْعَاسْ....
مَدَا بِنَا
كُونْ التَّاوِينَا
يَا القَاطْعِينْ لَيَّاسْ
دَمْنَا مَشْرُوكْ
ؤُطْرِيقْنَا فِيهْ الشُّوكْ
الله يْحُدْ الْبَاسْ...
مَدَا بِنَا
كُونْ التَّاوِينَا
عْلاَشْ مَا نْحُطُّوا الرَّاسْ
عْلَى الرَّاسْ
نْوَلِّيوْ عْلَى قَلْبْ وَاحَدْ
كِيفْ النَّاسْ!!
مَدَا بِنَا
كُونْ التَّاوِينَا
يَا هَدْ الناسْ
أَجِيوْ النُّقْدُو السْفِينَة
نَتْصَالْحُو الوَقْتْ حَسَّاسْ!!!
18/5/2022
بقلم محمد البراقي
ليست هناك تعليقات:
إرسال تعليق