.................
احمد محمود
..................
وجه القمر
أمي
احلي من القمر
أمي
شوفو من وشها
طالع منه النور
كانت منوره حياتنا
وكنت عايش مستور
ليه يامه روحتي
وسيبتيني مكسور
ليه سيبتي الضلمه
وخدتي النور
استعجلتي قوي يامه
والحزن عشش
علي بيتنا
وراح الفرح وراحت الضحكه
ومن بعدك مش مسرور
دا الوجع بقي في القلب
والضحكه عل الشفايف
بس الضحكه بهتانه
واللي يشوفها
دايما يسأل
هي دي ضحكه
ولا غرور
بس انتي من اهل
الجنه يامه
كل اللي يشوفك
في منامه
يجي يحكيلنا بكل سرور
شوفتي مين
في الجنه يامه
شوفتي ابويا
ولا اخواتي ولا خالاتي
ولا أعمامي ولا عماتي
ولا جدودي
ولا امك وابوكي
كانوا كلهم ناس
حلوين وطيبين
طب شوفتي الرسول
اصلك كنتي بتحبيه
وكنتي دايما
بعد كل صلاه تصليها
تقعدي تصلي وتسلمي عليه
مليون صلاه عليه
ويارب يامه يسقيكي
من الكوثر من بين ايديه
وحشتيني
احمد محمود
ليست هناك تعليقات:
إرسال تعليق