................
عبد المنعم حمدي رضوان
....................
بوسوا الايدين واحمدوا
بوسوا الايدين وش
وضهر وأحمدوه
على الصحة والعافية
في ناس لا قادر تأكل
ولا تشرب
وبتمشي بالعافية
زعلان لانك فقير دقة
وبتعاني
والفكة مش كافية
الرزق قل بطران حكمته
احمده
رحمة ربنا واسعة
الصحة لو راحت عمر
الفلوس
لا شافعة ولا نافعة
لك جوز عيون بتشوف
بها وودان
مطقطقة وسامعة
ورجل ماشى عليها فريره
سليمة
شايلاك ولا ممانعة
عندك عيال وزوجة لما
يشوفوك
بيطيروا من الفرحة
وناس بتسال عليك ينشغلوا
لو غبت
عنهم لو لحظة
غيرك لا لاقي السند ولا
عنده الولد
مقطوع من شجرة
حاطط ايديك على خدك
وبتشتكي
من أمور فارغة
لحمدت ربنا على العيال
و الزوجة
ولا الصحة والعافية
وباصص للي في أيد الناس
وعايزها
مخلصة وخالصة
الدنيا دول من ده وده بتأخد
وتدي
لا مكدرة ولا صافية
وكون عبد شاكر وحامد
ربنا وأحمده
في السارة والضارة
الشاعر /عبد المنعم حمدي رضوان
ليست هناك تعليقات:
إرسال تعليق