.................
احمد محمود
................
أمي
بنت محمد ابراهيم مخلوف
تبقي ست الكل أمي
بنت العرب والقبايل
وللدنيا أصلها معروف
لما تتكلم كلامها سيوف
مكان ما تنزل تقطع
وتقول انا بنت ابو مخلوف
اتربينا في حضنها
وعمرنا ماعرفنا الخوف
ونمشي نافخين صدورنا
وفي المجالس
نتقابل بالزمر والدفوف
علمتنا الشرف والكرامة
ونعمل الطيب والمعروف
وياسلام لما اضحك معاها
وأقوى لها بنت بارم ديله
تقولي اخرص انا بنت ابو مخلوف
اتغربت سنين طويله
ولحضنها راجع ملهوف
سامحيني ياست الكل
انا كنت زي الأعمي
وفي قربك بقيت بشوف
شبيكي لبيكي عبدك وبين ايديكي
وخدام تراب رجليكي
يسلم لنا عمرك
وتسلم لنا عنيكي
ياست الكل ياطاهرة
يابنت ابو مخلوف
رحمة الله عليكي ياأغلي البشر
احمد محمود
ليست هناك تعليقات:
إرسال تعليق