....................
...............
بعمركم ماتزرعوا شوك بدرب وتتركوه مهمل وترموا عليه كل قاذوراتكم المادية والمعنوية وتضلكم وأنتم واقفين ع اجريكم والدروب بوشكم مفتحة وأنتم عميانين عن ايجابيات هالدرب المليتوه شوك وعتب وعملتوا جهدكم تخربوه وتهدوه وتقطعوه و تهدوا أي جسر بيناتكن مبني على الود والاحترام وتتهموه بأنه درب مهمل وسيء وعليه تشلفوا كل البلاوي اللي بتصير بهالكوكب وتنسوا ومن طبع الإنسان النسيان بأنه هالدرب أنتم بأيديكم مليتوه شوك وخليتوه درب صعب ووعر وصحرا بسبب تصحر مشاعركم وقسوة قلوبكم وحكمكم عليه غيابياً وماحاولتم للحظة دخول هالدرب وتفتحوله القلب بالحنان والحب وللأسف ماحسبتم خط الرجعة بإنه ممكن تلجؤوله بيوم من الأيام وتتسكر بوشكم كل البيبان وتنسد كل الدروب وترجعوا بدكم تمشوا بهالدرب مضطرين ..نادمين ..متمنين..حاسدين .جشعين ..بدكم العودة للاستفادة من ميزات هالدرب اللي اكتشفتوها وقت ناضل الدرب بدفع ثمن انتزاع الشوك من قلبه ومن جسده ورماه بعد ماتدمت يداه وشفتاه وهو بنزع شوككم شوكة شوكة بشفافه وسنانه وايديه وأظافرووو اللي أنتم بوحشيتكم طولتوها وعواض ما يكونوا للغندرة صاروا سلاح للدفاع عن ماتبقى من حياة حلوة لهالدرب ومن يسلكه ..تمنيتوه يتسكر فتسكر لكن بوشكم تمنيتوه يتعبى شوك وحقد وكره فعلا تعبى بس لفظووو لانه مو من طبعووو ولا دينووو ولا تربايتوو استفرغ كل شي سلبي حطيتوه فيه عليكم ..وسوى من كل عقباتكم وحكيكم وحجارتكم وشوككم اللي رميتوه بدربه سد منيع بوشكم ..اي بوشكم أنتم يلي ماردتوا تشاركوه الخير بالعكس بادلتوه الخير بشر والورد بشوك ..واليوم وبعد مرور الأعوام مرقتم على درب الشوك لاقيتوه مليان ورد اييييه لاتستغربوا لأنه شوككم بشككم أنتم بس والشوك اللي بنسقى بمية الحب والحنان بطالع منه أحلى ورد ..ولنظل متل الصبار من برا منحمي حالنا بشوككم منكم ومن جوى مافي أطيب ولا أحلى مننا ومنزهر كمان بس ماعاد يعنينا رأيكم ولا عاد بهمنا اهتمامكم أصلا صرنا متل الصبار بسبب صبرنا على شوككم ومانابكم من شوككم غير شكات وشكات كل ماحاولتوا الاستمتاع بدربنا مارح تلاقونا متل ماكنا رح تلاقوا شوكاتكم كادو منا لالكم ..ورح تآلمكم ..بس أكيد مو متل ما آلمتنا وعلمتنا وصقلتنا وحولتنا لصبار ..كنت زمان أكرهه وهلق صرت اكره نفسي زمان ..وأتمنى اللي جرى ماكان ..
ليست هناك تعليقات:
إرسال تعليق