......................
مصطفى أحمد ابواسلام
......................
ازاى ارضيكى
طب فين اراضيكى
تهجرى وتقولى
انا مش غلطانة
وتسيبى قلوب
معاكى حيرانة
طب م انا انسان
وبفكر زى جميع الناس
دا انا كلى احساس
وبفكر فيكى انا ليل ونهار
والقلب احتار
يرضيكى ازاى
تغترى وتعملى مش عارفة
طب م انا عارف
إنك مغرورة
تعيشى مسرورة
وسيبانى اعانى
آلام وعذاب
انا مش كداب
الحب ف قلبى عاينهولك
مش قادر افسر اقولهولك
خايف من رفضك وغرورك
وبحاكى نجوم الليل سهران
وابات حيران
مش عارف بس
ارضيكى ازاى
طب م انا انسان
انا كل م اشوفك بتأمل
كل النسوان
م انا قلبى جبان
بيخاف البسمة
ل تقلب غم
عايش ف الهم
خايف من بكرة
مش عارف افسر
خايف ليه
وكل م اقولك انى بحبك
تهربى ليه
وبتقسى عليا اقولك ايه
طب م انا انسان
انا قارى الحب
فى دمع عنيكى
مش عارف ارضيكى
بتهربى ليه
من غير اسباب
مفيشى بينا
غلط وسباب
انا قلبى الهادى
صبح مرتاب
طب مرة حساب
ومرة عتاب
طب قولى ولو مرة بحبك
أكتر فسرى-- ولا تتكبرى
طب ليه للحب بتتنكرى
أوعى لصافى الحب تعكرى
اوعى تفكرى انى انا مخلوق
من كوكب تانى
لا ؛؛دا انا انسان
لكن مش عارف لغرورك
ارضيه ازاى
.........
الشاعر /مصطفى أحمد ابواسلام
ليست هناك تعليقات:
إرسال تعليق