ديوان أكاليل الإلكتروني لسفراء القلم

………..

ياسر دردير

...........

انا كداب
صح انا كداب
علشان انا هنا فرحان في بلد آلاغراب
اصلي في جنه مش،في عذاب
تعرفي بيقولوا الغربه عذاب
وانا بعيد عنكم كل لحظه عذاب في عذاب
طيب شوفتي عيوني وكلها دموع
وانا بكدب واقول لا اللي فيها طرفه من التراب
ولا شوفتيني وانا بابتسم
وانا كلي الم بدون اسباب
طيب والله كداب
وانا طالع بدري اجري
قبل ما اصلي فجري
واللقمه في يدي
متغمسه تراب
اقولك لا لسه نايم ورادد علي الباب
طيب شوفتي الكداب
وهو بيتحمل من الف نصاب ونصاب
كل مرة اوريكم هجومي نظيفه
واخبي اللي توسخ التراب
اصلي انا كداب
يابت
ذا انا احترمت من الاهل والاحباب
كفايه لمة عيالك حوليكي
وانتم سدين الباب
طيب اقولك كمان
علي فكرة
الغربه مش فيها اصجاب
الكل علشان مصلحته بميت وش وكداب
عرفتي بعت لك كام جواب
حبرهم
عرق
مخلوط بدموع وتراب
علي كلا
خلص الجواب
وهبعتلك غيرة الف جواب
وافتكري اني انا الكداب
الفرعون