...............
للشاعر/ مصطفى فريد
..............
عود من جديد بعد الانقطاع
الجزء الثالث عشر من رباعيات مصريه
من الديوان الملحمى / تحيا مصر
للشاعر/ مصطفى فريد
الكل قال مصالحى
لازم تكون فى صالحى
وفضلتى كتيير تسامحى
لما ركبوا الحفاه
على أنفاس العباد
تجار حقد وسواد
عاملين زي الجراد
توب الشبع قلعاه
ودم الغلابه دا كيف
شربوه وقالوا خفيف
بيطيقوا طعمه كيف
والمعده كيف قبلاه
فرشوا التعابين فى حجرك
رشوا سمومهم فى صدرك
باهت بقى ضى فجرك
والروح فاقد صفاه
وضاع نور الطريق
ونهار عمال يضيق
وابنك عايش غريق
جوه بحور الحياه
شقاه فى حجر غيره
محروم من أصل خيره
مرسوم له خط سيره
طريق عكس إتجاه
ماشى للخلف در
وسنين عتمه تمر
أحلى مافيها مر
صبر وجاب منتهاه
ومن جوه الميدان
صوت الحق بان
هناك طلع البيان
عايز حقه وشقاه
ليست هناك تعليقات:
إرسال تعليق