...........
من أشعار نعايم النجار
..........
الغربه
يا غربة وثمنك غالي
ضاع فيكي شبابي
يا غربة وثمنك غالي
أخذتي سنيني وأيامي
يا غربتي في وسط
أهلي وأولادي
غريب في بيتي
ضيف يوم والثاني
يقولوا إمتى هيمشي
ضاع مني زماني
البعد جافاني
والهجر كواني
ضاعت زوجتي
وضاعوا أولادي
وأدور على نفسي
موجوع آآآآآآه ياني
عايزين فلوسي.. لكن
إمشي إرجع تانننني
يا غربة ياكربة.. تعبت
سبيني أعود تاني
ماتت الحبيبة أمي
وماتوا فيكي خلاني
وصغيري كبر.. مش
راح يسمع كلامي
صغيري وحشنى
وزوجتي كمان وحشاني
أروح فين؟؟ وأجيبهم
منين؟؟ غنى يا قلبي على موالي
يا غربة وثمنك غالي
ضاع الإبن بعد ما
ضاع شبابي
صحبه فاسدة رافقوه
مخدرات أعطوه
شاي سجاير شربوه
لما العقل خربوه
بنات عار عرفوه
ضلوا وراه لما دمروه
وفى دراستة فشلوه
ضيعوا إبني ضيعوه
أمه كل شيء بإسمها
باقى ايه ثاني
يا غربتي رخصتيني
زلتيني زودتي في القلب أنيني
وأبكي وأنا ساجد.. يارب
رجع زوجتى
وإصلح شأن أولادي
يا غربة يا كربه.. مش
هأسيب ثاني بلادي
أنا هنا هأرعي أولادي
أنا هنا داق أوتادي
مش راجع مهما تنادي
مش راجع مهما تنادي
***********
من أشعار نعايم النجار
من ديوان بأغني غناوي
ليست هناك تعليقات:
إرسال تعليق