ديوان أكاليل الإلكتروني لسفراء القلم

.............

#باسم_موسى

.........

محبوس فقلبي الكلام
بيغلي فيا الشعور
مخلوط غريب م المشاعر
بركان و قرب يفور
الحزن ومعاه فرح
شوق و وياه نفور
سخط و رضا معاه
عدل اتخلط بالجور
...
جوايا تعبي زاد
عدى و فاق الحد
بتمرجحني المشاعر
وأسألها مافي رد
والمعنى مني غاب
فارق و خان الوعد
كان نفسي أعبر صح
عن نار في عز البرد
...
كان نفسي بيك يا حرف
ارسم مشاعري تبان
يشوفها كل اللي يقرا
صورة و بالألوان
مبينة التفاصيل
الفرح والأحزان
ضاع مني كل الكلام
من قوة الفيضان
...
نفسي أعبر بجد
عن قلبي واللي فيه
نفسي أما عوز اللفظ
من غير تعب ألاقيه
بس الخليط ده صعب
والحرف تايه فيه
وقلبي يفضل يعاني
محبوس كلامه فيه
...
#باسم_موسى