ديوان أكاليل الإلكتروني لسفراء القلم

.........

. هشام جمال

........

ليه دايما النظرة للأنثي بشكل عام بتكون غير لطيفه من معظم الرجال عامة ليه لما تشوف واحده بالفيس تضحك وتهزر وتبادلك كلماتك كأنها فريسة ليك
ليه قبل ما تنظر ليها نظرتك دي ماتحاولش انك تسأل نفسك هي ليه بتضحك كتير وتهزر مش يمكن ضغط العيشه والبيت والاولاد والدراسه.....الخ خلاها تعمل كده 
خلاها تحاول انها تنسي شويه من كل الهم والحزن اللي وراها
ليه ما تقولش انها ست كبيرة وعايشه لوحديها وبتحاول انها تتعامل مع الناس وبتهون علي نفسها 
او ....الخ 
مش كل انثي قبلت صداقتك و بتتكلم معاك تبقي مش متربيه او بقيت خلاص حبتك
احياناً بتبقي اطمنت لحضرتك وخلتك زي اخوها
مش عيب انك تحبها وتحبك ما هو الحب مش غراميات ورومانسيه فقط
لاء في حب في الله في حب الاخوات
خليها لما تكون متضايقه ومخنوقه هي تتصل بيك وتحادثك وتقولك انا مخنوقه يا خويا ومحتجالك وعاوزه افضفض معاك
بدل ما انت ترخم عليها وتبعت ليها كلام ورسايل وصور
الصداقه والاخوة مش رومانسيات ولا كلام فاضي
متنساش ليك اخت وبنت وام وزوجه وإن مكنش عندها فايسبوك عندها واتس آب اكيد وزي مانت هتتعامل مع بنات الناس الناس هتتعامل مع بناتك واخواتك
ياريت يا جماعه نرتقي شويه وبلاش نُسيء الظن
والصداقه معموله مش للدردشه وللتعارف بل لتبادل الآراء
وتأكدوا صداقتك للأنثي شرف وسعادة ولكن بحدود الأدب ..