ديوان أكاليل الإلكتروني لسفراء القلم

...........

بقلمى عبدالمنعم عدلى

...........

بدور عليك
عبدالمنعم عدلى..مصر
بدور عليك
بين الناس
بعد مامات الإحساس
تائه فى غربة
ومش عارف
أنا هنا ليه
مسجون من غير
قاضى ولامحكمة
حبسونى وأنا
مغمض العينين
وكأننى مجرم محتال
ليه الظلم
ظلمونى وظلموا أولادى
وأنا موظف غلبان
ضميرى غيور
على عملى
شرف مع القسم
أعتب على
الدهر كله
من ظلم ناسه
عايشين والكرسى
له مخالب
بس الظلم
مادام
وحب المال
والكبرياء هوان
بدور على نفسى
وأقول ليه يانفس
رضيت بالهوان
ياصاحب النفس
أنا طائر متمرد
على الظلم
أقسو وأجرح
والعاقبة فى النهايات
ومهما طال الظلم
فالكرسى له ميعاد
وبكرة الكل
آت على الصراط
ياظالم والظلم بيجرى
مجرى الدم بالشريان
راجع نفسك
قبل فوات الأوان