ديوان أكاليل الإلكتروني لسفراء القلم

.........

مع تحيات فاروق الباشا

.............

الوجع جواية. ...فاروق الباشا

الوجع لابد جواية
بعينى أنا شايفه
مش شايفه فى المراية
وبايدى انا حاسه
مش بالنواية
لاقادر ازيله
ولا قادر اسيبه معاية
بقى جزأ منى
ساكن جوه الخلاية
اطبطب عليه مرة
يهمد يادوب غواية
ومرة ابتسم له
يبتسم برضه لأذاية
بقى على فرض عين
مش فرض كفاية
قاعد جوه كبدى
ولافف مع معاية
عاوز لى نظرة
من رب الجن والبراية
يزيح عنى أسى
ملازمنى زى دراية
اصلى ماليش غيره
وفى ايده سعدى وهناية