ديوان أكاليل الإلكتروني لسفراء القلم

.............

بقلم علاء عبده

........

انا انسان عايش عادي ببساطه
بحب الناس و ما يهمش لو ما حبوني

بحب الصحبه تكون وافيه
بحب الضحكه تعلا تكون صافيه

انا انسان على الفطره
و لا هتغير في يوم يا زمان

ساعات ببعد عشان ارجع كما الاول
بحاسب روحي و اتطهر

عشان ما احسش اني متغير
انا انسان و طبعي الحب

و بتمني يصير الحب في قلوبنا
عايش في امان

هنخسر ايه لو نتصالح مع نفسينا
هنخسر ايه لو نصافح كدا بعضينا

و كل اما نتقابل ناخد بعض بالاحضان
دي هى حياه و لا تساوي

لحظه كرهه او غيره
و لا تساوي نخسر بعض لدقيقه

راجع نفسك و عيش انسان
على الفطره و لا تتغير مع الأيام