ديوان أكاليل الإلكتروني لسفراء القلم

.........

علي عوده

...........

أنا مش شويه
علي عوده

بحب اشوفك قدام عنيه
واحس بيك ان انت ليا
قريب قريب وبين إديه
والا انت شايف غير كده
أفكرك أنا مين
فتح شمال ويمين
واسأل عيون واجبين
الضي جاي منين

انا القمر عندي
لا يجيب ولا ايودي
أنا مش شويه
لو الربيع ما خدش من فساتيني ما استقبلوش
لو الندى ما حلمش يوم عجبيني ما انعطلوش
وانت حبيبي ونور عيني
شوف قد إيه. حتهنيني
تقدر تكون زي الندى
تقدر تعيش ليا أنا
والا الكلام ده ما تعرفوش
أفكرك بيا
واللي انكتب فيا
قد البحر في يومين
ده بس في عنيه
وكتبتو أسامينا
عالشط والمينا
وتغيبو. سنه واتنين
ولا لحظه. تنسونا
لو الشموع ما اتقدش من بين الضلوع ما هياش شموع
لو الدموع ما اتنور ادروبنا شموع ليه الدموع
تحبني ؟
اطلع لي من ليلك صباح
تحبني ؟
احملني فوق كل الجراح
مش عايزه أكتر من كده
غير اني اعيش بين الضلوع
وانا مش شويه.