ديوان أكاليل الإلكتروني لسفراء القلم

........

بقلم علاء عبده

........

عارف امبارح توأم بكره
و الايام بتعيد و تزيد

زي ما عدا عليك امبارح
بكره يفوت و يعدي بسرعه

شايل هم الايام ليه
عيش اليوم بكل ما فيه

و لا تفكر لحظه في بكره
بكره دا لسه في علم الغيب

يمكن تحضر فيه و تغيب
سيبها لربك هيعدلها

و الصعبه بايده يسهلها
زي ما جات الدنيا عليك

قادر بارادته يفرجها
بكره يفوت و يعدي بسرعه

و الأيام تصبح ذكري
دا ما فيش حاجه راسيه على حالها