ديوان أكاليل الإلكتروني لسفراء القلم

............

الكلمه
من ديوان / ولسه بحلم بفجر
للشاعر مصطفى فريد

..........

كل فارس له حصان
والحصان له كبوة واحدة
أما كبوتنا ٠٠٠٠٠
فهى الكلمة لو طلعت غلط
ماهى أصلها صوت الضمير
ياتكون بها شيطان أثيم
وتكون أسير. ٠٠
وتكون غبى ٠٠
مابين صفوف الاغبيا
وتعيش فى أوهامك صبى
ياتكون نبى ٠٠٠
وتكون أمين ٠٠٠
وتكون أمير. ٠٠٠
مالك زمام الحرف
وبحور الكلام
ماهى كلمتك ليك إلتزام
حرفك لجام ٠٠٠
والحكمة جزء من الكلام
ويزيد جمالها
لما تظهر حق ضايع
أو تبايع للأمام
الكلمة كرباج
فوق ظهور الظلم نار
وتبقى للمظلوم أمل
ونور بيتحدى الظلام
الكلمة سيف. ٠٠
فى زمن هزيل
مات واندفن فيه الحمام
الكلمة روح
وعلاج جروح الإنسانية
فى السلام
ولحد ماتخف الآلام
أنا مش ح انام
ولحد ماتجينى المنية
ح افضل اسطر فى الكلام
وأقول حرام
مليون حراااااااام
لما كل الكل يكتب فى الكلام
ويساوى راسه بالعظام
وكلامه زى السوس
بينخر فى العظام
والله حرام
لابد من فرسان شداد
تعيد لنا فن الكلام
وتخطى بينا
فوق حدود المستحيل
من جيل لجيل