ديوان أكاليل الإلكتروني لسفراء القلم

بقلم
الشاعر وليد فتحي
**************

علي الجرح اللي مش ممكن هيتداوه .
علي اللي عشقته وقدملي السم في حلاوه.
صباح الخير علي العشق وعلي الاخلاص
علي اللي اخترته وعشقته مابين الناس .
صباح الخير علي قدرنا وع المكتوب
علي القلب اللي شاطر جدآ في جرح قلوب .
صباح الخير
علي العمر اللي سهانا وسرقنا
وضاع كله علي قلوب بتخدعنا .
صباح الخير
علي نفسي وع الأُمنيه والاحلام
علي اجمل في زماني صبح اوهام .
صباح الخير
علي الكلمه اللي بتكلمها بالعافيه
علي الطيبه وعلي النيه اللي كات صافيه .
علي الضحكه اللي مرسومه في وش حزين
علي حد فاكرته من العاشقين .
صباح الخير
ياقلب حزين بيتوجع
ياكل ثواني بتودع
صباح الخير
علي الدنيا اللي زلاني وكرهاني
عشقها وهي مش حاسه بكياني .
صباح الخير

🌹