ديوان أكاليل الإلكتروني لسفراء القلم

نجاة عيوش

(باللهجة العامية..)

خلصت حكاياتنا...
تعب المشوار...ومن كتر الهم تعثرت خطواتنا ...
ع دروب مليانة قهر وحرمان... حكينا لليل وجع غيباتنا..
لما وعودك رَسَمتها بالسما نجمات..
بريق سحرها صاروا دمعاتنا..
سرحنا  بهالارض نفتش ع الضحكات
لقينا الوجع لوّن بسماتنا..
شو ذنب الحب يحمل وعود وخبريات
ما فيها صدق غير آهاتنا..
نطرت  الزمن يشفي كل الجروحات..
زاد  الانين  وبالقلب زادت خيباتنا
مين قال الفرح بينشرى بالمال..
أو قال بالحب نلاقى امنياتنا
كل الي صار كان حكي وأوهام..
صدفة جمعتنا...وبرمشة عين كتبت نهاياتنا..
تعب المشوار... وأكبر  وهم كان...وما بقي وفي للحب  غير  كذباتنا..
شو صار بالدني ....تغّيرت  الاكوان ..؟؟
أم ان اللقا كان من خيالاتنا...
ما بعتب ع الزمن اللي جمعنا  بيوم....
بعتب ع حالي  كيف مشيت بمشوار
وبعرف بأول الدرب رح تخلص حكاياتنا..

               بقلمي نجاة عيوش.. (لبنان)
موثقة حقوق النشر محفوظة