..................
صلاح الجنايني
................
الشاعر صلاح الجنايني
مسرح كله فيه عرايس
في
قطر الكدب نتشعبط
في كلمة حق نستعبط
في بعض يوماتي بنخبظ
في
سيرك الكل يتنطط
وجوه الناس عليها ظلام
وجوه تعشق حياتها خصام
بشر ماشية تحس حطام
كأن في معهد الاورام
مسرح كله فيه عرايس
مسرح إلى فيه لايص
تشوف كامل تشوف ناقص
تشوف
زعلان تشوف هايص
طريق الكل فيه بيروح
فيه الفرحان فيه المجروح
طريق بالف
باب مفتوح
تلاقي الظلم فيه مسموح
ما حدش عاجبه احواله
كله عايش في مواله
مين التاني على باله
حرام يجمع على ماله
نهار ليله الباشا نايم
عشان ياكل يروح قايم
على حساب الحريم عايم
في أحلام الهوا هايم
اونطة بشر فيها عايشين
على مد الأيدين واخدين
بشر واكلين بشر شاربين
مناخير والودان من طين
في
قطر الكدب نتشعبط
في كلمة حق نستعبط
مسرح كله فيه عرايس
الشاعر صلاح الجنايني
ليست هناك تعليقات:
إرسال تعليق