ديوان أكاليل الإلكتروني لسفراء القلم

..........

بقلمى سامح توكل أبوالسبح

.........

😁صحصح فوق😍
=====
إصحى وقول للصبح عوافى
وابتدى يومك كله شروق

إرمى همومك ربك كافى
يكفيك شرك والمخلوق

خليك قوى جدا متعافى
صحصح من أوهامك فوق

طمن نفسك إوعى تخافى
بكره هتحلو وتروق

لو تعبان إدعى للشافى
تلهط من الشهد وتدوق

بحر حياتك عذب ووافى
لو فكيت كرب المزنوق

تلقى البرد فى ليلك دافى
والدنيا تمطر برقوق

عدى على الأوهام بتجافى
واقضى على اليأس المشنوق

لابس جزمه وغيرك حافى
جلده من الحر محروق

خلى الحب فى قلبك صافى
إوعى تقول أبدا مخنوق

أنا شعرى بيرقص بقوافى
سمعتى واصله لباب اللوق
=====
بقلمى سامح توكل أبوالسبح