.............
بقلمي/ الشاعر وحيد محروس خليل
.........
((( مش عايز حاجة )))
أنا مش عايز منك حاجة يادنيا
غير إنك تسيبيني في حالي
مش لاحق أفرح فيكي ولا ثانية
لية جاية عليا ولية معنداني &&&&&&&
عملت المستحيل علشان أرضيكي
لكن الغدر باين في عينيكي
وأنا من حبي وطيبة قلبي
صابر على حالي وعشمان فيكي &&&&&&&
نفسي تحني عليا شوية
وكفاية جراح وكفاية آسية
واقف في مكاني ومش عتقاني
سيبيني في حالي الله يخليكي &&&&&&&
بقالي سنين متحمل جرحك
يمكن في يوم أدوق أنا فرحك
لكن الصبر راح لزماني
وإشتكاني إليه لإني بأسامحك &&&&&&&
عمالة تملي لية بتغرييني
وفي لحظة ألاقي الهم كاويني
ما أنا راضي بحالي ومش طمعان
يمكن تضحك ليا معاكي سنيني &&&&&&&
وآه من الدنيا ومن إللي عايزها
لازم يكون فاهم دهاليزها
ويتعلم من أحوال الناس
يا إما هتبيع وتشتري فيه
&&&&&&&&&
إرمي الدنيا على آخر إيدك
زي الكورة هترد وتجيلك
ومهما كانت نفسك فيها
إوعى غرامها يبان في عينيك &&&&&&&
كلمة هاقولها بكل بساطة
عامل الدنيا بكل قلاطة
تلاقيها تعملك ألف حساب
وتقولك على طول شبيك لبيك &&&&&&&
بقلمي/ الشاعر وحيد محروس خليل
ليست هناك تعليقات:
إرسال تعليق