ديوان أكاليل الإلكتروني لسفراء القلم

............

بقلم الشاعر عدنان المصرى

...........

من جماله الله عليه
*-**-**-**-**-*
لما سهم الحب صابنى
قلبي داب معرفشي ليه
نظره منه الشوق تعبنى
من جماله الله عليه
هو ساحرنى بحلاوته
ولاشاغلنى بشقاوته
كل يوم بتزيد غلاوته
من الشقاوة اللي
في عنيه
من جماله الله عليه
لما بيعدي عليًّه
بنسى كل الدنيا ديًّه
تمشي عينى وراه شويه
عاوزه تشبع
من عنيه
من جماله الله عليه
مين يوصله حنينى
مين يقوله ارحم سنينى
ده الغرام اللي كاوينى
نظره منه
هتداويه
من جماله الله عليه
روح يا شوق
واحكي الحكايه
روح وقوله
عن هوايا
ده القمر اللي في سمايا
كل يوم
يسأل عليه
من جماله الله عليه
بقلم الشاعر عدنان المصرى