ديوان أكاليل الإلكتروني لسفراء القلم

………

كلمات محمد أبوالحسن 

………

المرأه ألنِكَدِيه
كلمات محمد أبوالحسن

ياللى إنت مِراتك نِكدِيه
وكمان عليك مِسْتقوِيه
لا صانِت عِشْرَه ولامهِيَه
وعلى غلطه ليك
مِسْتَنٍيًه
ولو ماغلِطِش إنت
هتغلَط هِيا
علشان سِكُوتك يِتعِبها
وكِدا ضمِيرها يِأنِبها
ودِى عاوزه حاجه
تِلهلِبها
وتِطًلًع كُل زعابِيبها
ومشاكِل ألدُنيا تِقلِبها
وهتِنْعِى حظِها ونصِيبها
وهِتسمع أحلى
قصايِدها
قُولى ياسٍتى وأشجِينى
وأحلىَ كلام سَمًعِينى
الأوِّله لاشُفت مِنّك
يوم راحه
والثانيه لاصِرِفت
فى يوم عليه
ولا كُنت حاسس
بإللى بِيًا
والتالته لاكُنت حظى
ونصيبى
ولاأنت مٍن الرِجَاله
إللى تٍملا عِنيا
أٌمًال أنا كُنت شًغًال إيه
ياولِيَه
فى سِنينِك
إللى عدِّت ٍِِدِيًّا
إسْألْ رٌوحًك ياعنيا
دانا وخداك شِقاره
ونِقَاره
بُصْ لِنفسَك دِلوقتى
إسم ألله عليِك
تِقدر تِعَرَشْ على حَاره
ولِسًاكْ بَردُو عايِش
فى ألدُور
وبِتِحلم بِحياه وردِيه
وعندك أمل
فى إلٍسِت دِيه
ياأخِى جَتَك خِيِبَه قوِيه
داأنت طِلِع على نِيًاتك
ومٍراتك طِلعِت مُفْتَرِيَه
جَتَك نِيله إنتَ وهِيه