........
بقلم الشاعر المصرى عدنان المصرى
......
#مشهد_خيانة
أنا شوفت المشهد متكرر ..
بتفرج من زاوية بعيدة ..
كان نفس الفيلم بيتصور ..
إنما وياه بطلة جديدة ..
وبتشرب حبه وسكرانة ..
وسط الجماهير شديت كرسي ..
امبارح كان فيلم رومانسي ..
اتغير ليه لفيلم خيانة ؟؟
شايفة التفاصيل كات عريانة ..
وبتحصل بينهم بالمللي ..
وكأني بلقن وبملي ..
وأنا بكتم جوايا الصرخة ..
م تقول لي إزااااي احساس يطلع ..
متطابق منه 200 نسخة !!
تسميعه كان فوق الجيد ..
ومشاعره مهيش عارفة تجود ..
حاسس احساس المتعود ..
علي وقفته قدام الكاميرا ..
لادي أول ولا آخر مرة ..
نفس الهمسات ..
نفس اللمسات ..
نفس الآهة ..
انما كان حاصل وياها ..
علي صفحة جسمها ايده ماشية ،
وصوابع كفه بتقرااها 😣
النني ف عينها بيتطوح ..
وشفايفه بتتمني رضاها ..
علي تنهيدها بيسند راسه ..
ومفصل لهفة علي مقاسه ..
ف يبان علي سنجة احساسه ..
واقع ولشوشته في هواها ..
الصيف اتحول فجأة لبرد ..
حاسة الجاذبية بتسحلني ..
الي سابع أرض ..
جسمي بيتقل ..
متخيل ان تشوف عمرك ..
شدوه فجأة وانت مغفل !!!
عمالة بسأل ....
العفش ازاي علي حيله واقف
ونا تحتي الأرض بتتزلزل ؟!
مين كب لي أدرينالين ف الدم
خلي الدقات عاملة مسابقة ؟
في هموم فوق ضهري بتتحمل !!
مين صب البحر المتوسط جوة عيوني
ومخلي دموعي شلال ينزل ؟؟
متمزعة بين أدخل وأقفل ...
وبتفلت ايد قلبي الأوكرة ..
علي نفس الباب هتقف بكرة ..
وتشوف اللقطات هياها بخيانة وغدر ..
وهتاخد في الصدمة مكاني ..
الفرق ان انت هتتفرج من برة الكادر ..
والبطلة معاها بطل تاني
اقـــــــلام تصنع الاحــــــــــلام
أنا شوفت المشهد متكرر ..
بتفرج من زاوية بعيدة ..
كان نفس الفيلم بيتصور ..
إنما وياه بطلة جديدة ..
وبتشرب حبه وسكرانة ..
وسط الجماهير شديت كرسي ..
امبارح كان فيلم رومانسي ..
اتغير ليه لفيلم خيانة ؟؟
شايفة التفاصيل كات عريانة ..
وبتحصل بينهم بالمللي ..
وكأني بلقن وبملي ..
وأنا بكتم جوايا الصرخة ..
م تقول لي إزااااي احساس يطلع ..
متطابق منه 200 نسخة !!
تسميعه كان فوق الجيد ..
ومشاعره مهيش عارفة تجود ..
حاسس احساس المتعود ..
علي وقفته قدام الكاميرا ..
لادي أول ولا آخر مرة ..
نفس الهمسات ..
نفس اللمسات ..
نفس الآهة ..
انما كان حاصل وياها ..
علي صفحة جسمها ايده ماشية ،
وصوابع كفه بتقرااها 😣
النني ف عينها بيتطوح ..
وشفايفه بتتمني رضاها ..
علي تنهيدها بيسند راسه ..
ومفصل لهفة علي مقاسه ..
ف يبان علي سنجة احساسه ..
واقع ولشوشته في هواها ..
الصيف اتحول فجأة لبرد ..
حاسة الجاذبية بتسحلني ..
الي سابع أرض ..
جسمي بيتقل ..
متخيل ان تشوف عمرك ..
شدوه فجأة وانت مغفل !!!
عمالة بسأل ....
العفش ازاي علي حيله واقف
ونا تحتي الأرض بتتزلزل ؟!
مين كب لي أدرينالين ف الدم
خلي الدقات عاملة مسابقة ؟
في هموم فوق ضهري بتتحمل !!
مين صب البحر المتوسط جوة عيوني
ومخلي دموعي شلال ينزل ؟؟
متمزعة بين أدخل وأقفل ...
وبتفلت ايد قلبي الأوكرة ..
علي نفس الباب هتقف بكرة ..
وتشوف اللقطات هياها بخيانة وغدر ..
وهتاخد في الصدمة مكاني ..
الفرق ان انت هتتفرج من برة الكادر ..
والبطلة معاها بطل تاني
اقـــــــلام تصنع الاحــــــــــلام
ليست هناك تعليقات:
إرسال تعليق