.............
للشاعر / مصطفى فريد
..............
العمر ضاع
من ديوان / بيحسدوك على إيه
إشتريتك وانتى بعتى
طب قولى لى ليه رجعتى ؟
تحنى تانى لذكرياتى. ؟
مشتاقة لسه لطبع غيرتى ؟
فى كل مينا
تسألى الأيام علينا
حلمنا فى رجوعنا ضاع
سنين طويلة اتسربت
من بين إيدينا
إتحكمت فينا الليالي
وسهرت دمعة عنينا
والقلوب الطيبه
فى الغربة بدرت نبضها
فوق ألف مينا
وغيرت فينا المشاعر
وبغبائنا إحنا ابتدينا
نعلم الإحساس يموت
والبيوت تفضل حزينه
مشتاقة لو لحظة رجوع
من غير دموع
تجرح عنينا
وبين عنادنا وذكرياته
إلتقينا العمر عدى
فاتنا للأحزان رهينة
نشكى من ألم المواجع
عاش ليلاتى القلب دامع
دمع غالى ما حد سامع
دقات آهاته
فى ليل سكاته
الماضى باعنا
سقانا من كاسة وجعنا
وبكرة رافض يشترينا
خسرنا أجمل حاجة فينا
الود. والحب.
والعشرة القديمة
ليست هناك تعليقات:
إرسال تعليق