...........
بقلم .. صبري رسلان
...........
بلاش عتاب
.................
بلاش عتاب
خليني أرحل
من سكات
ولا حتى أيدي
بالسلام في
أيديك تبات
ياما قلبي دق
فالغرام جواك
ساعات ..
عايش لهمسك
ضحكتك
حروف لغاك
تيجي النهارده
تنسى شوقه ولهفته
وتقول ما جاك
راسم في قلبك
ورده دبليت ضيها
في برود لقاك
ولا انت فاكر
لمس أيد
هتصحي فيا
إحساسي اللي مات
حتى العيون بان
فيها صوره
حد تاني كان
أناني في نسمته
إحساسه تاه
أسأل في حالي
أييه جرالي
وشوقي ليه
لساه ما جاه
ده انا كل يوم
بزرع هنا
وحنان مناه
وألبس في توب
ضي القمر
وأغزل نداه
وأفرش عطوري
ونسمتي حب لقاه
ما عدش فيه
جوايا ليل
ما سهرتهوش
ولا لحن شوق
سعد وغرام
ما عزفتهوش ..
بلاش عتاب
خليني أرحل
من سكات ..
ما تعذبوش
أنسى اللي فات
أنسى الوشوش
يمكن يلاقي قلبي
ناس تحس همسه
ودقته وما تنسهوش ..
ليست هناك تعليقات:
إرسال تعليق