ديوان أكاليل الإلكتروني لسفراء القلم

..........

حسني همام

.........

« مراقبة الآخرين »
=============
اللي بيراقبني من بعيد دول
مش واحد دول كتير
لكن الحقيقة مش كلهم زي بعض
فيهم اللي بيراقبني باهتمام وحب شديد
ودايما عايز يشوفني فرحان وسعيد
وفيهم اللي بيراقبني بغل وحقد
وبيتمنى لي أقع في الحضيض
وفيه ناس تالتة بتراقبني وعايزة
تقلدني في كل حاجة..كل حاجة
بالرغم من الإختلاف الشديد
وتحل محلي وتاخد مكاني وهي عنه بعيد
متعرفش تسمي ده أيه حسد ولامرض
ولا قلة أصل ولا مجرد تقليد
ولسة فيه ناس رابعة بقى لكن دول أيه
بيتمنوا لي أقع في الغلط
وبيتصيدوا الفرصة بالتهديد والوعيد
مع إن مفيش بيني وبينهم حاجة
لا من قريب ولا من بعيد
ولكن شماتة وتصرف غريب
يا ناس حرام عليكم
ياريت كل واحد يخليه في نفسه
وميشغلش نفسه بغيره
إذا كان حزين ولا حتى سعيد
وكفاية على كل واحد اللي هو فيه
ماهي مش ناقصة خالص
ما كل واحد عنده اللي مكفيه