ديوان أكاليل الإلكتروني لسفراء القلم

..........

احمد طلبه

...............

رسايل مخفيه
الرساله الخامسه
=============
محبوبتي
بعد التحيه والسلام
بعد الغرام اللي
مايوصفهوش كلام

وحشتيني
يا حلم العمر يا قدري
علي جبيني

وحشتيني
ومهما كتبتلك عن حالي
ولا عمرين يكفيني

مابين اللحظه والتانيه
أنا بعطش نعيم حبك
وحبك بيا انا شريان
وحق الله بيرويني
وحشتيني

يا حلم العمر يا قدري
علي جبيني
===============

انا انسان
وبتحمل في جوفي صمت
ونار الشوق حمم بركان
ماانا تعبان

و مشتاق ليكي محتاجلك
في عز الوحده بندهلك
دا وجع الغربه دا بيهلك
وبتكسر ولا بيبان

ياليلي
بتعملي إيه وحاسه بإيه
يا خوفي يكون لي دا وهم
بعيش انا فيه

دا انا بسأل وأقول ليلي
بتبعد ليه
وليه حلمي اللي انا حلمته
ولا بلاقيه

ماانا خايف لكن عارف
هيفضل حبي انا ليكي
ليوم لدين
يا حب سنين
يااغلي روح في إنسيه
لكن دي الناس ولا عارفين
ولا حاسين
بواحد غربته واخداه
وايام عمره أه رايحين

لكن صابر ومش قادر
علي غيابك
انا خايف يضيع عمري
علي عتابك

وأه من قلب حس بخوف
ومحتاج كلمه تحيني
ودي كلمه تكفيني

بإن اكون انا وحشك
عشان انتي وحشتيني

يا حلم العمر يا قدري
علي جبيني
==============
نهايه رسالتي الخمسه
دي ليكي
راح افضل بقلبي ليلاتي
اناديكي

وأقولك حكايتي وليه
انتي غايتي
يا حلمي وحبيبتي
بروحي شاريكي

ياست البنات واغلي البنات
يامعني لحنيني

دا طبعي السكات ياعشقي بسكات
بكل اللغات
انتي وحشتيني
===============