.......
أحمد طلبه
......
عايشه
وغرقانه مابين وجعي
مابين الحزن في عينيا
تسيل أحلامي مع دمعي
ومين هيحس يوم بيا
تعبت من جراح بتعيش
معايا العمر ماتسيبني
وأقول يمكن أنا ماساويش
ولا حد كدا حبيبني
حاولت بجد اني اعيش
لكن حالي معذبني
وليه الفرح مايجوزليش
وليه الخزن يغلبني
===========
بخبي في قلبي أحلامي
واخاف مره أبوح بيها
عشان مالقتش قدامي
قلوب فعلاً أثق فيها
لا راحه عمري بلمحها
لا إيد لدموعي تمسحها
واكتر ناس بفرحها
بضيع والله بإيديها
وبتحمل وأقول عادي
نصيبي وهو هيصيبني
مجرد حلم عالفاضي
وزي الكل هايسيبني
لكني بحاول اني أعيش
وحالي كتير معذبني
وليه الفرح مايجوزليش
وليه الحزن يغلبني
=========
احمد طلبه
ليست هناك تعليقات:
إرسال تعليق