ديوان أكاليل الإلكتروني لسفراء القلم

..........

احمد طلبه

.........................

المشكله
إني حبيته من سكات
وإن السكات جوايا صعب يتمحي
وأتاري كله دا وهم عليه بابات
وأتاري فيه واحده بحياته مطرحي
💔
كنت بشوفه يبتسملي وهو ماشي في الطريق
كان بجد الشوق قسمني بحلم جوايا بريء
💔
كنت ببكي لما افكر فيه وهو مش حاسسني
كنت بشكي لحالي منه والسؤال ليه مش شايفني
💔
كنت واحده تقول لروحها إمتي بس تفرحي
بس كانت ظلمه روحها وواحده تانيه مطرحي
🔸🔸🔸🔸🔸🔸🔸🔸🔸🔸🔸🔸🔸🔸🔸
المشكله
إني حباه إني شايفاه
جوه مني وفِي منامي
💔
إني عايزاه أني رايداه
يبقي دا فارس أحلامي
💔
هي فعلاً حاجه صعبه بس هعمل إيه في قلبي
الغريبه بإني صادقه حتي لما بخبي حبي
💔
ليه ياروحي تملي فيا راضيه دايماً تجرحي
يبقي هو قصاد عينيا وواحده جواه مطرحي
💔💔💔